Sony Ericsson P1i

Sony Ericsson P1i 售價太貴　無人賣
被稱為 P990i 的升級版，Sony Ericsson P1i 水貨在週未傳出已到達香港，但出奇地無人肯賣。原來是太貴的關係，要六千多元，加上未有中文顯示，手機店怕坐艇，無人敢入貨。有店員對小記說，來價實在太貴，加上 P1i 在功能上，幾乎跟 P990i 一樣，硬件、軟件都只有很少改進，不明為何賣咁貴？P1i 支援 3G、用上 UIQ 作業系統，有二百萬像素鏡頭，但 Wi-Fi 只支援 802.11b 較慢速制式，又無大熱 GPS，相機像素又唔夠大，一味只賣薄，六千幾蚊賣價的確有點貴。小記問了新加坡朋友，當地是香港水機其中一個貨源，原來當地 P1i 行機，真的賣六千幾港幣，似乎玩炒價是 SE，不是水貨手機拆家吧。店員表示，待下週 P1i 稍為跌價，應會有少量貨應市，真的想先用為快的 Fans，等下啦！