繼續大力反對油公司壟斷市場、操控油價、加快減慢、謀取暴利、禍及全港!!!!!!

[轉自香港討論區] 作者40201
我係一個順民, 無咩野我都好少反對, 但係我對於油價既問題就真係好唔妥

今晚, 加德士又話要加啦, 升到16個半啦...之後發生既野, 大家都會知啦, 其他果幾間有理無理就跟住加GA啦

我今次特登開個ACCOUNT黎講野, 除左不滿加得太密之外, 我覺得加咁多次,
今次係加得最無理早一個星期, 國際顯注油價回落, 油公司一毫都唔減, 老實講, 減幾日都好呀..不過唔減

尋晚油價升番上黎, 加德士就即刻加

咁一來一回, 其實等於加左兩次..

各位兄弟姊妹, 你地唔覺得好似俾人禁住搶咩, 同搶錢有咩分別呀
你地可以咁諗, 如果兩間電夾埋一齊加價, 你地點睇..又或者幾間巴士公司一齊加價, 你地又點....又或者D電話公司又夾埋一齊加價, 你地又點
點解油公司就可以咁做咁多年而無人理

雖然有人話, 覺得貴咪唔好用車LAW, 但係我會答, 用車係我地既權力, 對我而言, 我返工好遠,
車係我既必須品, 無佢, 我每日要坐三個小時車返工放工, 唔理由因為油公司唔合理加價而剝奪我地開車既權利, 若果有朝一日,
所有電視牌子夾埋一齊加價, 係唔係又說貴就唔好睇LAW, 而要大家唔睇電視? 又有朝一日,
所有手提電話公司一齊加價, 係唔係又說貴就唔好用手提? 咁樣, 我地既生活水平咪不斷退步LAW...香港人努力工作, 日日ot,
做到死下死下先賺到d錢, 為既係提高生活水平, 可惜d奸商就禁住我地黎搶, 咁我地日日工作黎做咩...白做?

政府係度做緊咩...咩都無做...點解唔可以減油稅..高油稅的原意, 係唔想太多汽車係路上行走,
不過...係現代的發達社會, 車已經係必須品, 社會發達左了, 唔係你收稅D人就唔開車,
而且搵食車又要俾高油稅, 而家D油咁貴, 係唔係可以減D稅,
等大家既負擔唔好咁大呢...以民為本根本就係一句空話...通脹咁嚴重, 真係一d野都無得做?

總之油價係油商無良, 政府無能既原因下, 已經去到一個不可接受既地步,
問題不在油價既高低, 問題在於定價既不合理, 
香港既油價係世界上數一數二貴GA....大家甘心不斷俾人搶錢嗎, 大家甘心每日幫油公司打工嗎?

加快減慢, 油稅高昂已經多年了..

我見有部分網友提出好多方法表示不滿, 但係怒我直言..無用ga..
行過加德士舉中指...有用嗎...
開少d車...即係屈服..即係接受呢種不合理

香港地...唔計d有錢佬...中產或中低收入而有車既人成千上萬...咁都唔可以形成一鼓力量反抗不滿?
再加埋d職業司機大佬...五十萬人再一次上街都有可能

我敢講...若果再有五十萬人上街反對油公司...油價落番幾年前既十蚊樓下都唔定...到時唔止有車既人受惠,
其實各行各業 , 甚至坐開巴士既朋友都受惠, 因為巴士無理由加價了...

兄弟姊妹...我希望我可以一呼百應...七月一日..暫時放下政治話題...實實際際...

五十萬人再次上街, 一齊反對高油價...反對油公司不合理加價...反對油公司加快減慢....反對油公司壟斷市場.....反對油公司操控價格.....

d政黨唔好再講政治啦, 我敢講...你地邊個黨有本事七一叫五十萬人上街反油公司...成功要求油公司減價...打破壟斷...令政府減油稅...能夠令油價落留10蚊,
你年尾係立法會得哂六十席都有可能...民生比政治重要呀..

兄弟姊妹...請將我今日寫既野一傳十...十傳百...百傳千

http://www2.discuss.com.hk/viewthread.php?tid=7492431&extra=page%3D1